Luck You!

Mamaya na ang game 6 sa Finals ng 2010 PBA Fiesta Conference. Alaska kontra San Miguel. Nanalo ang San Miguel nung Sunday (Game 5) para hindi makapagbasaan ng champagne sa locker room ang Alaska. Sa panunuod namin ng laro nung game 5, napansin namin na hindi si Siot Tanquincen ang nagcoach sa San Miguel. Si assistant coach Gee Abanilla ang tumayong coach ng San Miguel. Nagtaka kami kung ano ang nangyari kay Siot. May lagnat ba sya? Nainjured ba sya? Baka na-traffic. Hindi namin alam kung binanggit na ba ni Quinito Henson kung bakit wala si Siot dahil 3rd quarter na nung nagsimula kaming manuod. Nakalimutan kasi naming sipatin yung schedule dito. Nabalitaan nalang namin na isa sa dahilan kung bakit hindi si Siot ang nagcoach ay dahil sa "paswerte". Hindi naman pwedeng sabihin na malas si Siot Tanquincen dahil sya ang nagdala sa San Miguel sa Finals, pero pwedeng swerte nga ang dala ni Gee Abanilla dahil nanalo sila. Pwede ding nangapa ang Alaska dahil kahit papano iba ang diskarte ni Gee kay Siot, at hindi nila ito napaghandaan.


Mamaya manunuod ulit kami. Mukang interesting abangan kung ano ang gagawing adjustments ng Alaska at San Miguel. Si Gee Abanilla ba ulit ang mag-cocoach? Magpapa pungsoy (feng shui) ba si Siot para lalong swertihin ang San Miguel? Kukunin bang player ng Alaska si Chris Bolado para kontrahin ang swerte ng San Miguel? Sa basketball hindi mananalo ang puro swerte lang. Tulad ng marathon, patibayan din ang labanan. Parang chess, pagalingan din ng diskarte ang mga coaches. At parang low budget na game show, may pagalingan din ito ng cheer. Pero hindi talaga maiaalis ang factor ng kaswertehan, dahil sabi nga ni Atoy Co "The ball is AROUND."

Chris "Lucky/Laki" Bolado

Ang susunod na pabasa namin dito tungkol sa kasalukuyang PBA Fiesta Conference ay magiging Congratulatory post lang para sa kung sino man ang maging champion sa gitna ng Alaska at San Miguel. Sino kaya ang maco-congratulate? Sino ang hindi makakatanggap ng pangpalubag loob na 2nd place trophy na hindi naman nakakalubag ng loob. Sino ang paulit-ulit na kakantahan ng "We are the champions."... Para kanino babagsak ang mga balloon?


picture hugot dito at dito