Patol sa Hatol

Napa-abot sa amin na may sobrang nag-e-effort na kup*lin ang Pilipinas sa Facebook. Hindi na natin ilalagay dito kung sino, at papano nya/nila ginagawa ang paninira dahil gakulangot lang ang pwersa nila. Kung babanggitin pa dito baka sumikat lang. Karamihan naman ng nakikisali sa kanila, nakiki-usyoso lang at kontra naman sa mga pinagsasasabi nung retarded/mga retarded na yon. Sa ngayon, may higit-kumulang 5,000 na members ang fan page na yon. Pero sa tantsa, mga apat lang sa members nila ang galit sa Pilipinas dahil tuwing may ipuputok sila, inuulan sila ng mura. Masaya na kami don.

Minsahe lang ng pagpapaalala para sa lahat. Inang bayan... Ina. Sinabi na namin noon, na sa away walang damayan ng "nanay". Mandamay ka na ng syota, mandamay ka na ng asawa, mandamay ka na ng kalaro, kaibigan, kapitbahay, kapuso, kapamilya, kapatid, pero off-limits ang nanay kung wala naman syang ginagawang masama. Kaya kung galit ka sa mga Filipino, wag mong idamay ang Pilipinas. At kung galit ka sa gobyerno ng Pilipinas, wag mong idamay lahat ng Pilipino.
Kung baga sa pamilya, ang taong bayan ang mga anak, ang Pilipinas ang nanay na ilaw ng tahanan, at ang gobyerno ang mabisyo at lasinggerong tatay na nananakit ng nanay.

Nabanggit na namin noon, uulitin lang namin ngayon; May mga bobong Pilipino, walang bobong Pilipinas.