Tuwing nagsusulat kami tungkol sa issue ng religion, laging may isa o dalawang magpapadala ng email na umaapila. Wala kaming paki-alam. Hindi kami magpapaapekto sa mga hirit ng kaignorantehan. Magandang bagay ang conviction sa paniniwala kay God, kaso kung magpapa-uto ka sa mga TAO LANG na nagpapaka-moralista o nagpapaka extremist, gago ka. Kung hindi mo papayagan makipagrelasyon sa isang tao ang anak mo dahil lang iba ang religion nya? Gago ka. Kung may mga karapatan ka na ipagkakait sa mga bading dahil sabi sayo ng religious leader mo yon ang dapat gawin? Gago ka. Kung papatay ka ng tao dahil nagtuturo sya ng ibang religion? T*ng ina mo. Mas magiging simple ang buhay kung walang religion na maghihiwalay sa mga tao. Maniwala na lang kay God at wag nang magpadala kung ang tinuturo ay tratuhin mong mas mababa ang iba dahil lang hindi sya member sa religion nyo. Malakas ang loob naming i-suggest yan dahil kung sa personal experience lang, napatunayan na namin na mas makatao at mas maka-Diyos kung walang religion. Dalawa sa authors ng MgaEpal.com ay binyag sa Catholic, isa sa Islam, at isa sa Protestant. Kung sa binyag ang basihan, may religion kami, pero kung paniniwala ang titingnan, wala kaming religion. One God. Yun lang. At simpleng basihan ng tama at mali ay kung may masasaktan, maloloko, maaaragabyado sa gagawin mo, mali yon. Wala nang extrang "utos" daw ng Diyos, na kung tutuusin, utos lang ng tao para mas makahatak ng mas madaming members. Kahit saan ka pa binyag, kung pareho kayong God lang ang pinaniniwalaan at wala nang iba, magkakasundo kayo. Isipin mo kung lahat ng tao ganyan ang takbo ng utak. Hindi magkakapatayan dahil sa maling paniniwala. Hindi magiging divided ang mga tao. Hindi tatawagin na kasalanan ang pagiging bading. Hindi magagamit ng mga politiko ang mga religious leaders tuwing eleksyon, Hindi namin kakailanganin isulat 'to. At hindi mo kakailanganing magpahiram ng oras para lang maintindihan lahat yan.
